日本東京自由行(1)

2016年6月1日小編就同朋友去左日本既東京自由行～
一共係去左8日架XD
因為遷就返個來回機票的日子啊嘛XD
所以就留耐D 玩8日～

小編都係同酷愛旅行既朋友仔一樣，平平地搭香草廉航。
服務態度一定就麻麻地架啦～但勝在平 來回機票少於1500HKD
下午時間去，早上回港。
其實算係不錯既時間啦＾＾

大家都可以考慮下乘搭


好啦！開始我地既行程喇～～～～～～
其實我同朋友們都認為去旅行不一定去晒所有既觀光點
但一定要去他們生活或買野既地方，
感受一下他們的生活體會以及節奏。
理解和認識一下他們的文化。
所以瘋狂掃平野或藥妝就不在討論範圍了。

6月1日就去到酒店大約晚上12時，
所以我地就抱頭大睡了XD

到了6月2日我地先到上野逛街，
相信大家有做功課都一定知道有咩行
大把人寫上野商店圈、阿美橫町呀等等等等等等
都真係有好多野行既，
基本上乜都有既，衫褲鞋襪通通都有但質料當然不是最好啦！
有D似香港既花園街和女人街。
平心而論
雖然好多物品在質料上無甘好都比香港既同類價位的物品質料好。
所以呢日本對物品既專注和細心真係好優秀！
香港要多多學習。

值得一提上野有間玩具店叫做Yamashiroya

係一間男生女生都適合行的玩具店，1F和B1都係適合女生的可愛卡通周邊商品，如鬆馳熊、等，而2~5F則係適合男女生行的動漫周邊商品。

地址：東京都台東区上野 6－14－6

營業時間：10:00～21:30

行了約兩小時，我地就到上野車站內既商場食沾麵。
這間食店叫做「つけめん舎鈴(しゃりん) 六厘舎」。

這間店很近車站大家一定搵到。

這間店出名係咩？就係沾麵啦而且仲係好平！

無記錯就大約600－700Yen

沾麵來講算平得來又好食！

所以好多人排隊來食的！大家一定要試試～

食完之後，我地就到上野公園和上野動物園美術館行行～

這個大家都可以搵搵岩不岩大家去XD

之後我地就去食日本天皇指定的御用美食－－伊豆榮梅川亭的鰻魚飯！！！！！！
這間店創業於18世紀初，至今已經超過260年，所以是名牌的老店。

好食的秘訣我就不知道，不過看過介紹以及聽過一位熟悉日本文化的朋友說，

伊豆榮的醬汁和鰻魚烤法都是秘傳的。

伊豆榮在上野附近一共有3間店，而離JR上野車站最近的就是梅川亭這間分店，就位於上野恩賜公園內，只要京成上野車站旁的樓梯向上行就到上野恩賜公園啦。

食過後的評價就係好正！真係好正

但⋯⋯好貴

如果第一日就來食的朋友就要諗下先XD

因為一盒飯的最低消費係 2700Yen

OH MY GOD！

但當然啦 服務和水準一定都係一流既

Hehehehehehehehe

有機會一定要試下啊！！！！

如果大家覺得文章不錯的，不妨給我們Facebook一個LIKE。

你的LIKE是我們的原動力和支持啊！

Facebook：Bandpie